Ég útskrifaðist sem grafískur hönnuður úr Listaháskóla Íslands árið 2004 og starfa í dag sem Associate Creative Director á Brandenburg. Þar áður vann ég í áratug á Hvíta húsinu en ferillinn hófst á Fíton auglýsingastofu. Með yfir 25 ára reynslu í auglýsingabransanum hafa mörg af mínum teikniverkefnum verið notuð í auglýsingar, myndmerki, myndskreytingar í bækur og fjöldann allan af umbúðum. 

Alla tíð hef ég verið krotandi og nafnið festist við mig snemma. Árið 2019 fór ég að teikna myndir á instagram.com/helga_valdis/ og merkja þær #krotdagsins og í kjölfarið að gera íslenska giphy límmiða til að fólk gæti notað í story á samfélagsmiðlum. Í dag hafa límmiðarnir verið skoðaðir oftar en 1.6 milljarð sinnum. (Giphy.com/helgavaldis) 

Þessi síða er gerð til að svala þörf listakonunnar sem langar til þess að deila krotinu sínu. Krotið er mitt áhugamál svo ekki hafa áhyggjur þótt ég svari ekki strax. Verði ykkur að góðu, og plís verið næs! 

Hefur þú ábendingar eða spurningar? Hafðu samband við mig helgavaldis@krotdagsins.is

Ljósmynd: Mbl, EJ